Home Blog Page 3

அரூர் மருத்துவத் துறையினருக்கு உயர்தரமான மாஸ் மற்றும் வட மாநிலத்தைச் சேர்ந்தவர்களுக்கு உணவு வழங்கிய அழகு அரூர் குழுவினர்

தர்மபுரி மாவட்டம் அரூர் பகுதியில் தொடர்ந்து இரவு பகல் என்று பாராமல் 144 தடை உத்தரவில் கொரோனா  வைரஸ் பரவாமல் தடுக்கும் பணியில் ஈடுபட்டுள்ள மருத்துவர்கள், செவிலியர்கள், தூய்மைப் பணியாளர்கள், காவல்துறையினர், ஆகியோருக்கு அழகு அரூர்  குழுவின் சார்பாக மதிய உணவு வழங்கி வந்தனர் .

அரசு அதற்கு தடை விதித்து நிறுத்தி வைத்தனர்.பின்பு மீண்டும் அதை தொடர அரசு உத்தரவிட்ட நிலையில் மீண்டும் இன்று மதிய உணவு வழங்கும் பணி தொடங்கியது. கொரோனா வைரஸ் நோய்த்தொற்று பரவுவதை தடுக்க பணியில் ஈடுபட்டுள்ள  மருத்துவர்கள் மற்றும் செவிலியர்களுக்கு ₹6000 மதிப்பிலான‌ உயர்தரமான  மாஸ்குகள் வழங்கப்பட்டன. அதேபோன்று வடமாநிலத்தில் இருந்து அரூரில் தங்கி  வந்து வேலை செய்துகொண்டிருந்த வடமாநிலத்தவர்கள் 144 தடையின் காரணமாக சொந்த ஊருக்கு திரும்ப முடியாமல் வேலை இன்றி மற்றும் உணவின்றி தவித்த வட மாநிலத்தைச் சேர்ந்தவர்களுக்கு அழகு அரூர் குழுவின் சார்பாக இன்று உணவு வழங்கப்பட்டது.

30 total views, no views today

திருவள்ளூர் மாவட்டம் திருவாலங்காடு ஒன்றியத்தில் கொரோனா விழிப்புணர்வு பணிகளை மேற்கொண்ட ஊராட்சிமன்ற தலைவர்கள்

0

திருவள்ளூர் மாவட்டம் திருவாலங்காடு ஒன்றியத்தில் கொரோனா விழிப்புணர்வு பணிகளை மேற்கொண்ட ஊராட்சிமன்ற தலைவர்கள்

உலக மக்கள் எல்லோரையும் மிகுந்த அச்சத்தை ஏற்படுத்திக்கொண்டிருக்கும் கொரோனா வைரஸ் தாக்குதலில் இருந்து மக்களை பாதுகாத்துக்கொள்ள தமிழகம் முழுவதும் பல்வேறு வழிமுறைகளை மேற்க்கொண்டு வருகிறது. இதன் தொடர்ச்சியாக திருவள்ளூர் மாவட்டம் திருவாலங்காடு ஒன்றியத்திற்க்குட்பட்ட சின்னம்மாபேட்டை மற்றும் தொழுதாவூர் ஆகிய ஊராட்சி மன்ற தலைவர்கள் தீவிர விழிப்புணர்வு பணிகளில் ஈடுபட்டு வருகின்றனர்.சின்னம்மாபேட்டை கிருமிநாசினி மருந்துகளை டிராக்டரில் நிரப்பி அதனை அனைத்து இடங்களுக்கும் மருந்துகளை தெளிக்கும் பணியில் கிராம ஊராட்சிமன்ற தலைவர் சரண்யா நாகராஜ் அவர்கள் ஈடுபட்டார்.இதே போன்று தொழுதாவூர் கிராமத்திலும் நேரடியாக சென்று மருந்துகளை தெளிக்கும் பணியில் ஊராட்சி மன்ற தலைவர் திரு.அருள்முருகன் அவர்கள் ஈடுபட்டார்.எந்த ஒரு நோய் தாக்குதலும் எங்கள் பகுதியில் ஏற்படாமல் மக்களுக்கு விழிப்புணர்வு ஏற்படுத்துவதே எங்களுடைய பணிகள் தொடந்து செயல்பட்டுகொண்டிருக்கும் என்று இரண்டு கிராமங்களுடைய ஊராட்சி மன்ற தலைவர்கள் தெரிதெரிவித்தனர்.

திருவள்ளூர் மாவட்ட செய்தியாளர் நவீன்.

54 total views, 6 views today

கொரோனா தாக்கத்தால் குறைக்கப்பட்ட வாட்ஸ் ஆப் சேவை

புதுடில்லி: கொரோனா தாக்கம் காரணமாக ஏர்டெல், ஜியோ, வோடபோன் உள்ளிட்ட நெட்வொர்க் சேவைகளின் இணைய வேகம் பாதிக்கப்பட்டுள்ளது. இதன் காரணமாக இந்தியாவில் வாட்ஸ் ஆப் சேவை வசதிகளுள் ஒன்று குறைக்கப்பட்டுள்ளது.

கொரோனா வைரஸ் தாக்கத்தால் வாட்ஸ்ஆப் சர்வர் வேகத்தைக் குறைக்க அதன் வசதிகளைத் தளத்தி வருகிறது. இதன் ஒரு பகுதியாக வாட்ஸ் ஆப் ஸ்டேட்டஸில் வீடியோ பதிவை பதிவேற்ற கட்டுப்பாடு விதிக்கப்பட்டுள்ளது. புதிய கட்டுப்பாட்டின்படி வாட்ஸ்ஆப்பில் 16 வினாடிகளுக்கு மேல் உள்ள வீடியோக்களை ஸ்டேட்டஸ் ஆக வைக்க முடியாது. இவ்வாறு செய்வதன் மூலமாக சர்வர் திறன் மேம்படும் எனப்படுகிறது.

153 total views, no views today

கந்தர்வக்கோட்டையில் கொரோனா விழிப்புணர்வு பிரச்சாரம்


கந்தர்வகோட்டை வட்டாட்சியர் அவர்களின் தலைமையில், கந்தர்வகோட்டை காவல் ஆய்வாளர்,தலைமையிடத்து துணை வட்டாட்சியர் ,சுகாதார ஆய்வாளர் மற்றும் கந்தர்வகோட்டை கிராம நிர்வாக அலுவலர் ஆகியோர் பொதுமக்களை தனித்திருக்க சொல்லியும்,அத்தியாவசிய பொருட்கள் வாங்கும் போது பாதுகாப்பு கவசங்கள் அணிந்திருக்க வேண்டியும், பொது இடங்களில் கூடுதலை தவிர்க்க வேண்டியும், நோய்க்கான அறிகுறிகள் தென்பட்டால் சுகாதார நிலையம் அரசு மருத்துவமனை ஆகியவற்றை அணுக வேண்டியும்,அரசுக்கு ஒத்துழைப்பு நல்க வேண்டியும் கந்தர்வகோட்டை நகரில் இன்று பிரச்சாரம் செய்தனர்.

87 total views, no views today

கடலூர் மாவட்டத்தில் 144 தடை உத்தரவு காரனமாக விழுப்புரம் சரக காவல் துணை தலைவர் சந்தோஷ்குமார் ஆய்வு மேற்கொண்டார்.

கடலூர் மாவட்டத்தில் 144 தடை உத்தரவு காரணமாக விழுப்புரம் சரக காவல் துணை தலைவர் சந்தோஷ்குமார் ஆய்வு மேற்கொண்டார்.

கொரோனா வைரஸ் பரவுவதை தடுக்கும் விதமாக தமிழகத்தில் மத்திய மாநில அரசுகள் 144 தடை உத்தரவு பிறப்பித்துள்ளது.

இந்நிலையில் கடலூர் மாவட்டத்தில் பொதுமக்களுக்கு பாதுகாப்பு பணியில் ஈடுபட்டு வரும் காவலர்கள் சரியான முறையில் பணி செய்கிறார்களா எனவும்
மற்றும் சட்ட ஒழுங்கு பிரச்சனைகள் உள்ளதா எனவும் கடலூர் மாவட்டத்திற்குட்பட்ட , வடலூர் குறிஞ்சிப்பாடி குள்ளஞ்சாவடி நெய்வேலி விருத்தாசலம் திட்டக்குடி ஆகிய பகுதிகளில் விழுப்புரம் சரக காவல் துணை தலைவர் சந்தோஷ்குமார் இன்று பார்வையிட்டு ஆய்வு மேற்கொண்டார்.

இதில் விருத்தாசலம் காவல் துணை கண்காணிப்பாளர் இளங்கோவன் போக்குவரத்து காவலர்கள் ஒத்துழைப்பு கொடுத்து பாதுகாப்பு பணியில் ஈடுபட்டனர்.

60 total views, no views today

கீழபழையார் ஊராட்சியில் கிருமிநாசினி தெளிக்கப்பட்டது

கும்பகோணம் ஊராட்சி ஒன்றியம் கீழபழையார் ஊராட்சி மன்றத்தில் 6 வார்டுகளில் ஊராட்சி மன்ற தலைவர் G. ராமமூர்த்தி ஆலோசனையின்படி சுண்ணாம்பு பவுடர் மற்றும் கொரோனா வைரஸை ஒழிப்பதற்காக கிருமிநாசினி மருந்துஅடிக்கப்பட்டு கை கழுவும் முறைகளை பொது மக்களுக்கு விளக்கிச் சொல்லி அனைத்து வார்டுகளில் உள்ள பொதுமக்களுக்கு மாஸ்க் வழங்கும் நிகழ்ச்சி நடைபெற்றது இந்த நிகழ்ச்சியில் அம்மா மக்கள் முன்னேற்ற கழக கும்பகோணம் தெற்கு ஒன்றிய கழக செயலாளர் எஸ் பாலமுருகன் கீழ பழையாறு ஊராட்சி செயலாளர் சித்ரா சுகாதார ஊக்குநர்.ஆர்.லட்சுமி ஊராட்சி பணியாளர்கள் வசந்தி மகாலட்சுமி மற்றும் பலர் கலந்து கொண்டனர்

57 total views, no views today

அரூர் முழுவதும் கிருமி நாசினி தெளிக்கும் பணி தீவிரம்.தூய்மை பணிகளை பார்வையிட்ட‌‌ சார் ஆட்சியர் பிரதாப்

கொரோனா  நோய்த்தொற்று இந்தியா முழுவதும் தீவிரமாக பரவி வருகிறது இந்நிலையில் இதனை தடுக்கும் வகையில் தமிழக அரசு பல்வேறு முயற்சிகளை மேற்கொண்டு வருகிறது.தர்மபுரி மாவட்டம் அரூரில் உள்ள தோல் சாப் தெரு, சிந்தல்பாடி சாலை, கோவிந்தசாமி நகர், திருவிக நகர் விரிவு, ஆத்தோர வீதி, கலைஞர் நகர், பெரியார் நகர், வர்ண தீர்த்தம், மேல் பாட்சா பேட்டை, கீழ் பாட்ஷா பேட்டை, பாரதியார் நகர், மற்றும் அரூர் முழுவதும் கொரோனா வைரஸ் நோய்த்தொற்று பரவுவதை தடுக்க அரூர்‌‌ சார் ஆட்சியர் உத்தரவின்‌ படி அரூர் பேரூராட்சி ‌தூய்மை பணியாளர்கள் அரூர் நகரம் முழுவதும் நான்கு சக்கர வாகனத்தின் மூலம் கிருமிநாசினி தெளிக்கும் பணி தீவிரமாக நடைபெற்று வருகின்றன.இத்தூய்மை‌ பணிகளை‌ அரூர் சார் ஆட்சியர் திரு.மு.பிரதாப் அவர்கள் நேரில் சென்று பார்வையிட்டார்

138 total views, no views today

கும்பகோணத்தில் இருந்து கட்டிட வேலைக்கு
சென்ற 30 பேர் கேரளாவில் தவிப்பு: தமிழகத்திற்கு அழைத்து வர கோரிக்கை

கும்பகோணத்திலிருந்து கட்டிட வேலைக்கு கடந்த 20 நாட்களுக்கு முன்பாக கேரளாவிற்கு கட்டிட வேலைக்கு சென்ற 30 பேர், சொந்த ஊருக்கு திரும்ப முடியாமல் தவித்து வருகின்றனர்.
கேரளா மாநிலத்தில் கொரோனாவால் அதிக பேர் பாதிக்கப்பட்டுள்ளதால், அம்மாநிலத்தில் 144 தடை உத்தரவு மிக தீவரமாக அமல்படுத்தப்பட்டுள்ளது. தமிழக – கேளரா எல்லைகள் முழுவதும் அடைக்கப்பட்டு, வாகனங்கள் தமிழகத்தின் உள்ளே அனுமதிக்கப்படவில்லை.
இந்நிலையில், தஞ்சாவூர் மாவட்டம் கும்பகோணம் அடுத்த திருவள்ளியக்குடி,பாலாக்குடி,மேலமராயம்,கீழ்வேளூர் புழுதிக்குடி சுற்று வட்டார கிராமங்களை சேர்ந்த சுமார் 20க்கும் மேற்பட்டவர்கள்,கேரளா மாநிலம் கண்ணுார்,கோழிகோடு உள்ளிட்ட மாவட்டங்களுக்கு கடந்த 20 நாட்களுக்கு முன்பு, கட்டிட பணிக்காக சென்றனர். இவர்கள் ஒவ்வொரு வாரத்திற்கு, ஒவ்வொரு இடத்திற்கு சென்று வேலை பார்த்து வருகிறார்கள். தற்போது, கொரோனா பாதிப்பு அதிகளவில் இருக்கும்பட்சத்தில், நாடு முழுவதும் நேற்றுமுன்தினம் 144 தடை உத்தரவு பிறப்பிக்கப்பட்ட நிலையில், தமிழகத்திற்கு திரும்ப முடியாமல், சாப்பாட்டிற்கு மிகவும் கஷ்டப்பட்ட, அங்குள்ள கட்டிடத்தில் தங்கியுள்ளனர்.
இது குறித்து திருநாவுக்கரசர் என்பவர் கூறியதாவது; நாங்கள் கேளரா மாநிலத்தில் கண்ணுார் நகர் பகுதியில், கட்டிடம் ஒன்று கட்டுவதற்காக, கடந்த 20 நாட்களுக்கு முன்பு சென்றோம். கடந்த 2 நாட்கள் முன்பு வரை வேலை செய்தோம். நேற்றுமுன்தினம் முதல் வேலை இல்லை. அதன்பிறகு கொரோனா எதிரொலியாக 144 தடை உத்தரவை தொடர்ந்து, ஊருக்கு திரும்ப முடியாமல் 20 பேர் தவித்து வருகிறோம். இதை போல, கோழிக்கோட்டில் 16 பேர் கும்பகோணத்தை சேர்ந்தவர்கள் இருப்பதாக தெரியவந்துள்ளது. ஊரில் உறவினர், மனைவி எல்லாம் போன் செய்து நலம் விசாரித்து வருகிறார்கள். தற்போது இருக்கும் சம்பள பணத்தை வைத்து சாப்பிட்டு வருகிறோம். அதன் பிறகு எங்கள் நிலைமை மோசமாகி விடும். ஊருக்கு செல்ல கேளரா போலீசார் அனுமதி தர மறுக்கிறார்கள்.
இந்நிலையில், எங்களுக்கு கொரோனா அறிகுறி இருக்கிறது என சோதனை செய்து, தனிமையில் வைத்து கண்காணித்து பிறகு ஊருக்கு அனுப்பி வைக்க தமிழக அரசு நடவடிக்கை எடுக்க வேண்டும் என்றார்.

192 total views, 3 views today

Registration

Forgotten Password?

Close