Home Blog Page 2

பெரியகுளத்தில் நள்ளிரவில் தொடர் போராட்டம்…. தூக்கத்தை தொலைத்து திணரும் காவல்துறை…

தேனி மாவட்டம் பெரியகுளம்  ரஹ்மத் பள்ளி வாசல் முன்பு சட்டத்திருத்த மசோதாவை திரும்பப் பெறக் கோரிம், தமிழக சட்டசபையில் குடியுரிமை சட்டத் திருத்தத்தை தடுத்து நிறுத்த தீர்மானம் நிறைவேற்ற கோரியும் பள்ளிவாசல் முன்பு  உள்ளிருப்பு போராட்டத்தில் 100க்கு மேற்பட்டோர் ஈடுபட்டு வருகின்றனர்

தேனி மாவட்டம் பெரியகுளம் வடகரை பங்களா பட்டி விலக்கு அருகே ரஹமத் பள்ளிவாசல் முன்பு  சட்டத் திருத்த மசோதாவை திரும்ப பெறக் கோரிம் . தமிழக சட்டசபையில் உரிமைச் சட்டத் திருத்தத்தை தடுத்து நிறுத்த தீர்மானம் நிறைவேற்ற கோரியும் இஸ்லாமிய இளைஞர்கள் இஸ்லாமிய பொதுமக்கள் உள்ளிருப்பு போராட்டத்தில் திடீரென ஈடுபட்டனர் இத்தகவல் அறிந்த பெரியகுளம் காவல் துணைக் கண்காணிப்பாளர் ஆறுமுகம் தலைமையில் 100க்கும் மேற்பட்ட காவல்துறையினர் சம்பவ இடத்திற்கு விரைந்து பாதுகாப்பு பணியில் ஈடுபட்டு வருகின்றனர்  பெரியகுளம் பகுதியில் நேற்று டெல்லியில் குடியுரிமை சட்ட திருத்த மசோதாவை திரும்பப் பெறக் கோரி தொடர் போராட்டத்தில் ஈடுபட்ட கல்லூரி மாணவர்களை காவல்துறையில் தாக்கியதை கண்டித்து போராட்டம் நடைபெற்றது அதேபோல் இன்று இரண்டாவது நாளாக சட்டத் திருத்த மசோதாவை திரும்பப் பெறக்கோரிம், தமிழக சட்டசபையில் குடியுரிமை சட்ட திருத்த மசோதாவை தடுத்து நிறுத்திட தீர்மானங்கள் நிறைவேற்ற கோரியும் போராட்டத்தில் ஈடுபட்டு வருகின்றனர் பெரியகுளம் பகுதியில் தொடர்ந்து  பல்வேறு கட்ட  போராட்டங்கள் குடியுரிமை  சட்டத்திருத்த மசோதாவுக்கு எதிராக போராட்டங்கள் நடைபெற்று வருகிறது இந்நிலையில் தற்போது இரவு நேரங்களில் இஸ்லாமியர்கள் ஒன்று கூடி  போராடி வருவது  குறிப்பிடத்தக்கது மேலும் போராட்டத்தில் ஈடுபட்ட இளைஞர்களிடம் பெரியகுளம் காவல் துணை கண்காணிப்பாளர் ஆறுமுகம் பேச்சுவார்த்தை நடத்தினார். அதே போல் இஸ்லாமிய இளைஞர்கள் தொடர்ந்து இரண்டாவது நாளாக நள்ளிரவில் போராட்டம் நடத்தி வருவதால் பெரியகுளம் பகுதியில் பெரும் அளவில் போலீஸ் குவிக்கப்பட்டுள்ளது. இந்த உள்ளிருப்பு போராட்டத்தில் இந்திய யூனியன் முஸ்லீம் லீக் இளைஞரணி நூர் முகமது.தி.மு.க இளைஞரணி காஜா.செரீப்.உட்பட பலர் கலந்து கொண்டனர்

174 total views, 6 views today

தேனியில் பாலியல் பலாத்கார வழக்கில் வாலிபருக்கு 30 ஆண்டு சிறை தண்டனை.

தேனி மாவட்டம், ஆண்டிபட்டி பூக்காரத் தெருவைச் சேர்ந்தவர்பரமசிவம் இவரதுமகன் மதுரை வீரன் (வயது 34) என்பவர் அதே பகுதியைச் சேர்ந்த 15 வயதுச் சிறுமியைக் கடந்த 2018 ,ஆண்டு பாலியல் பலாத்காரம் செய்துள்ளார்.இதனையறிந்த பெற்றோர்கள் ஆண்டிபட்டி காவல் நிலையத்தில் புகார் செய்தனர்.புகாரைப் பெற்றுக் கொண்ட ஆண்டிபட்டி காவல்துறையினர் மதுரை வீரன் என்பவரைக் கைது செய்து விசாரணை செய்து போக்சோ சட்டம் உட்பட (366,6F பிரிவு)சட்டத்தின் கீழ் பல் வேறு பிரிவுகளில் வழக்குப் பதிவு செய்து விசாரணை செய்த வழக்கு தேனி மாவட்ட மகளிர் நீதி மன்றத்தில் நடந்து வந்த நிலையில், இன்று நடந்த இறுதிக்கட்ட விசாரணையில் குற்றம் ஆதாரத்தோடு நிருபிக்கப்பட்டதால் போக்சோ சட்டப் பிரிவில்20 ,ஆண்டுகள் சிறைத் தண்டனையும், மேலும், ஒரு பிரிவில் 10 ,ஆண்டுகள் சிறைத் தண்டனையும், மேலும், அபராதம் ரூபாய் 20 ஆயிரம் அபராதமும் கட்டத் தவறினால் மேலும், 4 ஆண்டுகள் சிறைத் தண்டனையும், இத்தண்டனையைக் குற்றவாளி ஏககாலத்தில் அனுபவிக்க வேண்டும் எனவும், பாதிக்கப்பட்ட சிறுமியின் குடும்ப வறுமை நிலையைக் கருத்தில் கொண்டு சிறுமிக்கு இழப்பீடாக தமிழக அரசு ரூபாய் 7, இலட்சம் வழங்கிடவும் பரிந்துரை வழங்கி தேனி மாவட்ட மகளிர் நீதி மன்ற நீதிபதி கீதா உத்திரவிட்டார். இதனைத் தொடர்ந்து குற்றவாளி மதுரை வீரன் என்பவரை தேனி மாவட்ட மத்திய சிறைக்கு அழைத்துச் சென்றனர்.

144 total views, no views today

பள்ளி வாகனம் மரத்தில் மோதியதில் பதினாறு மாணவர்கள் காயம்

புதுக்கோட்டை மாவட்டம் அறந்தாங்கி அருகே நாகுடியில் செயல்பட்டு வரும் தனியார்பள்ளி வாகனம் சீனமங்களம் என்ற இடத்தில் புளியமரத்தில் மோதி விபத்துக்குள்ளானது.
இதில் மூன்று மாணவர்களுக்கு படுகாயம்.

15 மாணவர்கள் காயங்களுடன் அறந்தாங்கி அரசு மருத்துவமனையில் சிகிச்சைக்கு அனுமதிக்கப்பட்டு 3 மாணவர்கள் படுகாயங்களுடன் மேல் சிகிச்சைக்கு அனுப்பப்பட்டுள்ளனர். இதில் ஒரு மாணவன் கவலைக்கிடமான நிலையில் இருக்கின்றான். விபத்து நடந்தபோது நடந்து சென்ற முதியவர் மீது பள்ளி வாகனம் மோதியதில் கருப்பையா என்ற முதியவர் படுகாயங்களுடன் புதுக்கோட்டை கொண்டு செல்லப்பட்டுள்ளார்

69 total views, 3 views today

காந்தி சிலையை சுக்கல் சுக்கலாக உடைத்த விசமிகள்

0

காந்தி சிலையை சுக்கல் சுக்கலாக உடைத்த விசமிகள்

ஜார்கண்ட் மாநிலத்தில் காந்தி சிலை அடித்து நொறுக்கப்பட்ட சம்பவம் அதிர்ச்சியை ஏற்படுத்தி உள்ளது. அந்த மாநிலத்தில் உள்ள ஹஸாரிபாக் என்ற இடத்தில் வைக்கப்பட்டிருந்த காந்தி சிலையை சமூக விரோதிகள் சிலர் சுக்கல் சுக்கலாக அடித்து நொறுக்கினர்.

இதனைக் கண்டு அதிர்ச்சியடைந்த அப்பகுதி பொதுமக்கள் இதுகுறித்து காவல்துறையிடம் முறையீடு செய்தனர். நிகழ்விடத்திற்கு வந்த காவலதிகாரிகள் அப்பகுதியில் உள்ள கண்காணிப்பு கேமராவில் பதிவான காட்சிகளை வைத்து விசாரணை நடத்தி வருகின்றனர். ஐயப்பாட்டுக்கு உரிய சில நபர்களின் நடமாட்டம் இருந்ததாகக் குறிப்பிட்டுள்ள காவல்துறையினர், காந்தி சிலை உடைக்கப்பட்ட நிகழ்வு தொடர்பாக விரைவில் கைது நடவடிக்கை இருக்கும் என்று தெரிவித்துள்ளனர்.

45 total views, no views today

சீன அதிபர் பாதுகாப்பான இடத்தில் ரகசியமாக தஞ்சம் புகுந்து இருப்பதாக தகவல்கள் வெளியாகி உள்ளது

0

அதிபர் ஜி ஜின்பிங் பாதுகாப்பான இடத்தில் ரகசியமாக தஞ்சம் புகுந்து இருப்பதாக தகவல்கள் வெளியாகி உள்ளது

பீஜிங்:

சீனாவில் கொரோனா வைரஸ் வேகமாக பரவி வரும் நிலையில் அந்நாட்டு அதிபர் ஜி ஜின்பிங் ரகசிய இடத்தில் தஞ்சம் புகுந்து இருப்பது தெரிய வந்துள்ளது.

3 வாரங்களுக்கு முன்பு அவர் பீஜிங்கில் நடந்த ஒரு கூட்டத்தில் பேசினார்.

அப்போது அவர் கூறுகையில், “ஒவ்வொரு சீனரும் இந்த நாட்டில் வாழ்வதற்காக பெருமைபடும் வகையில் இந்த ஆண்டு முன்னேற்றம் இருக்கும். நமது நாட்டின் வளர்ச்சியை எந்த சக்தியாலும் தடுக்க முடியாது. அதை நீங்கள் ஒவ்வொருவரும் பார்க்க போகிறீர்கள்” என்று பேசினார்.

அதன் பிறகு அதிபர் ஜிஜின்பிங் பொது நிகழ்ச்சிகளில் எதுவும் கலந்து கொள்ளவில்லை. கொரோனா வைரஸ் பாதிப்பு நடவடிக்கைகள் தொடர்பாகவும் அவர் கருத்துக்களை வெளியிடவில்லை. அவர் என்ன ஆனார் என்பது மிகப்பெரிய கேள்விக்குறியாக எழுந்தது.

இந்த நிலையில் அவர் பாதுகாப்பான இடத்தில் ரகசியமாக தஞ்சம் புகுந்து இருப்பதாக தகவல்கள் வெளியாகி உள்ளன.

சீனாவில் அதிபர் ஜிஜின் பிங்குக்கு அடுத்தப்படியாக 2-வது இடத்தில் லீ கெக் யாங் உள்ளார். அவரிடம் கொரோனா வைரசை கட்டுப்படுத்தும் நடவடிக்கைகளின் பொறுப்பை அதிபர் ஜிஜின் பிங் ஒப்படைத்துள்ளார். இதனால் புதிய வைரஸ் தொடர்பான பணிகள் அனைத்தும் லீகெக்யாங் மேற்கொண்டுள்ளார்.

சமீபத்தில் லீகெக்யாங் உகான் மாகாணத்துக்கு சென்று கொரோனா வைரஸ் தடுப்பு நடவடிக்கைகளை நேரில் பார்வையிட்டார். வைரஸ் பாதித்த சில நோயாளிகளையும் நேரில் சந்தித்து பேசினார்.

இது சீன மக்களிடம் சற்று ஆறுதலை ஏற்படுத்தி இருக்கிறது. அதே சமயத்தில் அதிபர் ஜிஜின்பிங் கடந்த 3 வாரங்களாக பொதுமக்கள் மத்தியில் தோன்றாமல் பாதுகாப்பு இடத்துக்கு சென்று விட்டது கடும் அதிருப்தியை ஏற்படுத்தி இருக்கிறது. அதிலும் குறிப்பாக ஜிஜின்பிங் எங்கு இருக்கிறார் என்பது தெரியாததால் அவரது கட்சியினரும் அதிருப்தி அடைந்துள்ளனர்.

இதற்கிடையே சீனாவில் 31 மாகாணங்களில் மக்கள் வீடுகளுக்குள் இருக்கு மாறு தொடர்ந்து அறிவுறுத்தப்படுகிறார்கள். ஆனால் அவர்களுக்கு தேவையான அத்தியாவசிய பொருட்கள் கிடைப்பதில் கடும் தட்டுப்பாடு ஏற்பட்டுள்ளது. இது மக்கள் மத்தியில் அதிபர் ஜிஜின்பிங் மீது கடும் கோபத்தை ஏற்படுத்தி இருக்கிறது.

மக்களுக்கு தேவையான வசதிகளை செய்து கொடுக்காமல் அதிபர் ஓடி ஒளிந்து கொண்டதாக கருதுகிறார்கள். இதனால் சீனாவில் அதிபர் ஜிஜின்பிங்குக்கு புதிய நெருக்கடி உருவாகி இருக்கிறது.

சீனாவில் தனக்கு எதிராக இருந்த அரசியல் எதிரிகள் அனைவரையும் ஜிஜின்பிங் மிக வெற்றிகரமாக ஓரம் கட்டி விட்டார். தற்போது அவருக்கு சவால் விடும் வகையில் சீனாவில் தலைவர்கள் யாரும் இல்லை. கடந்த 7 ஆண்டுகளாக அரசியல் அதிகாரம் அனைத்தையும் தனது முழு கட்டுப்பாட்டில் அவர் வைத்திருக்கிறார்.

கடந்த 2018-ம் ஆண்டு சட்டத் திருத்தம் செய்து தனக்கு சாதகமான சூழ்நிலையை உருவாக்கினார். சீனாவின் அசுர வளர்ச்சிகாக அவர் சர்வாதிகாரி போலவே மாறி விட்டதாக வெளிநாடுகளில் விமர்சிக்கப்பட்டது. ஆனால் சீன மக்கள் அவருக்கு ஆதரவாக இருந்தனர்.

ஆனால் தற்போது கொரோனா வைரசுக்கு பயந்து அவர் மக்களை சந்திக்காதது மக்களிடம் அவர் மீது இதுவரை இல்லாத அளவுக்கு வெறுப்பை ஏற்படுத்தி விட்டது. இதற்கிடையே கொரோனா வைரஸ் பரவல் காரணமாக சீன பொருளாதாரத்திலும் கடும் பாதிப்பை ஏற்படுத்தி இருக்கிறது.

அனைத்து துறைகளிலும் சீனா வீழ்ச்சியை சந்தித்துள்ளது. வைரசையும் சமாளித்து பொருளாதாரத்தையும் மேம்படுத்த வேண்டிய கடும் நெருக்கடியில் ஜிஜின்பிங் தள்ளப்பட்டுள்ளார். இந்த நிலையில் மக்கள் மத்தியிலும் வெறுப்பு ஏற்பட்டு இருப்பதால் அதை மாற்ற என்ன செய்யலாம்? என்று அவர் ஆலோசனையில் ஈடுபட்டு இருப்பதாக தகவல்கள் வெளியாகி உள்ளது.

42 total views, no views today

தென்காசி மாவட்டம் : ஆலங்குளத்தில் இலவச கண் பரிசோதனை முகாம் நடைபெற்றது, அதில் 113 பயனாளிகள் கண்பரிசோதனை செய்து கொண்டனர் – தமிழ்நாடு மக்கள் நலன்காக்கும் இயக்கம்

0

தென்காசி மாவட்டம்,
ஆலங்குளம் தாலுகா,
கரும்புளியூத்து,
ஆலங்குளம் ஐஸ்வர்யா கண்பரிசோதனை மையம்,

தமிழ்நாடு மக்கள் நலன் காக்கும் இயக்கம்,


தாமிரபரணி, பொதிகை, தென்றல் விவசாய மன்றங்கள்,
ஊர்ப் பொதுமக்கள் இணைந்து நடத்திய இலவச கண்பரிசோதனை
முகாம் நடைபெற்றது,

முகாமில் சுமார் 113பயனாளிகள் கண்பரிசோதனை செய்து கொண்டார்கள்,
சுமார் 4பயனாளிகளுக்கு இலவச கண் அறுவைசிகிச்சை செய்ய ஆலோசனை வழங்கப்பட்டது,

முகாமை ஜெபித்து துவக்கி வைத்த அருட்திரு. B.E.வில்சன் (CSI நல்லூர் சேகரத் தலைவர்)
விழாவில் கலந்து கொள்ள விருப்பம் தெரிவித்து பணிநிமித்தமாக முகாமிற்கு வர இயலாத நிலையிலும் எங்களை உற்சாகப்படுத்திய,
திரு. H.செல்வகுமார் B.sc. (காவல் துறை ஆய்வாளர், ஆலங்குளம்),
முகாம் ஏற்பாடு செய்து இடம் கொடுத்து உதவிய,
திரு. தினகரன்,
உறுதுணையாக இருந்த அன்புதம்பி செ.இராபர்ட் (நல்லூர்)
திருவாளர்கள், J.ஞானமணி, S.ஏசுதாஸ் நவமணி, A.சுவாமிதாஸ் முத்து தர்மக்கண், N.சிவந்திராஜ், R.அருள்ராஜ் அந்தோணி, D.இரமேஷ் பால்துரை, கோயில்பாண்டி, S.பூர்ணராஜா,
விளம்பரம் செய்து உதவிய,
நண்பர் தனபால் (பெர்சி டிவி ஆலங்குளம்)
எழுத்துப்பணியில் உதவிய,
தி. வெனிஷா,
க.ஜெபஷாலினி, B.sc, (நர்சிங்)
அனைவருக்கும் எங்கள் நெஞ்சார்ந்த நன்றியை தெரிவித்துக்கொன்டார்

M.ஞானசேவியர்,
தென்காசி மாவட்ட செயலாளர்,
தமிழ்நாடு மக்கள் நலன் காக்கும் இயக்கம்,

(09.02.2020)

45 total views, no views today

கும்பகோணத்தில் ரேஷன் கடை சாப்பாட்டு அரிசியில் புழுக்கள் பொதுமக்கள் புகார் மார்க்சிஸ்ட் கட்சி கண்டனம்

தஞ்சை மாவட்டம் கும்பகோணம் வட்ட வழங்கல் பகுதிக்கு உட்பட்ட கும்பகோணம் மேலக்காவேரி சாவடி தெருவில் ரேஷன் கடை அமைந்துள்ளது இங்கு ஆயிரத்துக்கும் மேற்பட்ட பொதுமக்கள் அரசு வழங்கும் இலவச அரிசியை பெற்று பயன்படுத்தி வந்தனர்

இந்நிலையில் இப்பொழுது கும்பகோணம் மேலக்காவேரி பள்ளிவாசல் அருகே உள்ள சாவடி ரேஷன் கடையில் சாப்பாட்டிற்கு வழங்கக்கூடிய அரிசியில் புழுக்கள் மிகுதியாக இருக்கிறது இதனால் உலகமெங்கும் வைரஸ் மற்றும் காய்ச்சல் பரவி வரும் இந்த நேரத்தில் தமிழக அரசே புழுக்கள் உள்ள அரிசியை வினியோகிப்பது கண்டனத்துக்குரியது என கும்பகோணம் மார்க்சிஸ்ட் கம்யூனிஸ்ட் கட்சி கண்டனம் தெரிவித்துள்ளது

இதனால் அப்பகுதி மக்கள் சம்பந்தப்பட்ட ரேஷன் கடையில் அரிசி வாங்குவதில் சிக்கல் ஏற்பட்டு அன்றாட கூலி வேலை செய்யும் பொதுமக்கள் ரேஷன் அரிசி சுகாதாரமற்ற புழுக்கள் நிறைந்த அரிசியை வாங்கும் நிலை நிலவி வருகிறது

இதனால் சம்பந்தப்பட்ட அதிகாரிகள் மேலக்காவேரி சாவடியில் உள்ள ரேஷன் கடையை ஆய்வு செய்து புழுக்கள் உள்ள அரிசியை அப்புறப்படுத்தி சுத்தமான ரேஷன் அரிசியை மக்களுக்கு உடன் வழங்க வேண்டும் என கும்பகோணம் நகர மார்க்சிஸ்ட் கம்யூனிஸ்ட் கட்சி தெரிவித்துள்ளது

மீண்டும் இப்பிரச்சனை தொடர்ந்தால் மக்களைத் திரட்டி போராட்டம் நடைபெறும் எனவும் தெரிவித்துள்ளனர்

258 total views, no views today

திமுக கையெழுத்து இயக்கம் – பொதுமக்களிடம் நேரடியாக கையெழுத்து வாங்கிய ஸ்டாலின்

குடியுரிமை திருத்தச் சட்டத்திற்கு எதிராக திமுக மற்றும் அதன் தோழமை கட்சிகள் சார்பில் தமிழகம் முழுவதும் கையெழுத்து இயக்கம் நடைபெற்று வருகிறது.

குடியுரிமை திருத்தச் சட்டத்திற்கு எதிராக திமுக மற்றும் அதன் தோழமை கட்சிகள் சார்பில் தமிழகம் முழுவதும் கையெழுத்து இயக்கம் நடைபெற்று வருகிறது. சென்னை கொளத்தூரில் இந்த கையெழுத்து இயக்கத்தை திமுக தலைவர் ஸ்டாலின் தொடங்கி வைத்தார். தொடர்ந்து திருவிக நகர் பேருந்து நிலையம் பகுதியில், வீடுவீடாக சென்று பொதுமக்களிடம், அவர் கையெழுத்துக்களை பெற்றார்.

இந்த நிகழ்வில் திமுக தலைவர் ஸ்டாலினுடன், கலாநிதி வீராசாமி எம்.பி, சேகர்பாபு எம்.எல்.ஏ மற்றும் கூட்டணி கட்சி நிர்வாகிகள் கலந்து கொண்டனர்.

276 total views, 3 views today

Registration

Forgotten Password?

Close