Home Blog Page 1093

தமிழக காங்கிரஸ் தலைவர் ஈ.வி.கே.எஸ். இளங்கோவனுக்கு எதிராக ராகுல்காந்தியிடம் புகார்.

0

தமிழக காங்கிரஸ் தலைவர் ஈ.வி.கே.எஸ். இளங்கோவனுக்கு எதிராக பா.சிதம்பரம், குமரிஅனந்தன், வசந்தகுமார் உள்பட 11 பேர் டெல்லியில் ராகுல்காந்தியை சந்தித்து புகார் செய்தனர்.

இதனால் தமிழக காங்கிரஸ் தலைவர் இளங்கோவன் மாற்றப்படுவாரா? என்ற பரபரப்பு நிலவுகிறது.

1,364 total views, 9 views today

பருப்புக்கு போட்டியாக உயரும் வெங்காய விலை: கர்நாடகாவில் உற்பத்தி குறைவால் வரத்து குறைந்தது

0

கர்நாடகாவில் உற்பத்தி குறைவால், தமிழகத்தில் பருப்புக்குப் போட்டியாக வெங்காயத்தின் விலையும் உயர்ந்து வருகிறது. அதனால் நடுத்தர, ஏழை மக்கள் வெங்காயம் வாங்க முடியாமல் திண்டாட்டம் அடைந்துள்ளனர்.

தமிழகத்தில் கடந்த ஒரு மாதமாக பருப்பு விலை எப்போதும் இல்லாத வகையில் உயர்ந்ததால், ஏழை நடுத்தர மக்கள் பருப்பு வாங்க முடியாமல் தவித்தனர். வெளிநாடுகளில் இருந்து பருப்பு இறக்குமதி குறைந்ததாலும், வியா பாரிகள் பதுக்கியதாலும் விலை உயர்ந்ததாகக் கூறப்பட்டது.

இந்நிலையில், வியாபாரிகள் பதுக்கிய பருப்புகளை பறிமுதல் செய்து, கூடுதலாக இறக்குமதி செய்யப்பட்டதால் தற்போது பருப்பு விலை ஓரளவு குறைந்துள்ளது. ஆனால், இன்னமும் விலை கட்டுக்குள் வரவில்லை.

தற்போது பருப்புக்குப் போட்டி யாக, வெங்காயத்தின் விலையும் மீண்டும் உயரத் தொடங்கி உள்ளது. தமிழகத்துக்கு உள்ளூரில் விளை விக்கப்படும் வெங்காயத்தைத் தவிர, கர்நாடக மாநிலம் பெங்க ளூரு, சோலாப்பூர், தாவணிக்கரை மற்றும் வட மாநிலங்களில் இருந் தும் வெங்காயம் விற்பனைக்கு வருகிறது.

தீபாவளி பண்டிகை நெருங் கும் நிலையில், முதல்தர வெங் காயத்துக்குத் தட்டுப்பாடு ஏற்பட் டுள்ளது. மொத்த சந்தைகளில் மட்டுமே முதல்தர வெங்காயம் கிடைக்கிறது. உள்ளூர் சந்தைகள், சில்லறைக் கடைகளில் பெரும் பாலும் அழுகல் மற்றும் இரண்டாம், மூன்றாம் தர வெங்காயமே விற் பனைக்கு வருகிறது. தட்டுப்பாடு காரணமாக மதுரை சென்ட்ரல் மார்க்கெட்டில் நேற்று ஒரு கிலோ பெரிய வெங்காயம் ரூ. 50, சின்ன வெங்காயம் ரூ.45 முதல் ரூ.55 வரை விற்றது.

திண்டுக்கல் வெங்காய மண்டி யில் முதல்தர பெரிய வெங்காயம் ரூ.40, சின்ன வெங்காயம் ரூ.45. ஒட்டன்சத்திரம் மார்க்கெட்டில் சின்ன வெங்காயம் ரூ. 45, பெரிய வெங்காயம் ரூ. 40-க்கும் திடீரென விலை உயர்ந்துள்ளது.

சந்தைகள், சில்லறை விற் பனைக் கடைகளில் வெங்காயம் விலை, இதைவிட கூடுதலாக விற்கப்படுகிறது. மற்ற மாவட்டங் களிலும் வெங்காயம் விலை உயர்ந் துள்ளதால் நடுத்தர, ஏழை மக்கள் வாங்க முடியாமல் திண்டாட்டம் அடைந்துள்ளனர்.

இதுகுறித்து வியாபாரி சவுந்தர் ராஜன் கூறும்போது, “தமிழகத்தில் பெரிய வெங்காய மண்டியான திண்டுக்கல் வெங்காய மண்டிக்கு தற்போது 3,700 மூட்டை சின்ன வெங்காயம், 30 டாரஸ் லாரிகளில் பெரிய வெங்காயமும் வருகிறது. இங்கு திண்டுக்கல், திருப்பூர், கோவை மாவட்டங்களில் இருந்து மட்டும் வெங்காயம் வருகிறது. கர்நாடகாவில் இருந்து வெங்காயம் வராததால், தற்போது தமிழகத்தில் வெங்காயத்தின் தேவை அதிகரித் துள்ளது. அதனால், வெளிநாட்டு ஏற்றுமதி முற்றிலும் குறைந்துள்ளது.

ஏற்றுமதி வியாபாரத்தை தக்க வைத்துக் கொள்ள பெயரளவுக்கு இரண்டு கண்டெய்னர் லாரிகளில் மட்டும் இலங்கை, மலேசியாவுக்கு வெங்காயம் ஏற்றுமதியாகிறது. வழக்கமாக, தீபாவளியையொட்டி கர்நாடகாவில் இருந்து அதிகளவு வெங்காயம் தமிழகத்துக்கு வரும். இந்த ஆண்டு அம்மாநிலத்தில் போதிய மழையில்லாததால் வெங் காயம் சாகுபடியும் குறைவுதான். அறுவடை செய்த வெங்காயமும் தற்போது பெய்த மழையில் அழுகிய தால், தமிழகத்துக்கு வரத்து குறைந் தது.

இதுவே, விலை உயர்வுக்கு காரணம். வியாபாரிகள் வெங்கா யத்தை பதுக்கவில்லை என்றார்.

ஒட்டன்சத்திரம் மார்க்கெட் வியாபாரிகள் சங்கத் தலைவர் தங்கவேலு கூறும்போது, “வழக் கத்தைவிட வரத்து குறைவாகத் தான் உள்ளது. வழக்கமாக பண்டிகை நாட்கள் நெருங்கினால் வெங்காய விலை உயரத்தான் செய்யும் என்றார்.

1,100 total views, 9 views today

விலைவாசி உயர்வைக் கண்டித்து ஆர்ப்பாட்டம்

0

விலைவாசி உயர்வைக் கண்டித்து இந்திய கம்யூனிஸ்ட் கட்சி (மார்க்சிஸ்ட்-லெனினிஸ்ட்) சார்பில் கோவையில் திங்கள்கிழமை ஆர்ப்பாட்டம் நடைபெற்றது.

கோவை தெற்கு வட்டாட்சியர் அலுவலகம் முன்பு நடைபெற்ற இந்த ஆர்ப்பாட்டத்துக்கு மாவட்டக் குழு உறுப்பினர் வேல்முருகன் தலைமை வகித்தார்.

ஆர்ப்பாட்டத்தில், விலைவாசி உயர்வு காரணமாக பொதுமக்கள் பெரும் சிரமத்துக்கு உள்ளாகி வருகின்றனர். இதைக் கட்டுப்படுத்த மத்திய, மாநில அரசுகள் தவறி விட்டன. மக்களின் நலன் கருதி விலைவாசி உயர்வைக் கட்டுப்படுத்த நடவடிக்கை எடுக்க வேண்டும். மத்திய அரசு தலித்துகள், சிறுபான்மையின மக்களுக்கு எதிராக செயல்பட்டு வருகிறது. இதைத் தடுக்க நடவடிக்கை எடுக்க வேண்டும் என்பன உள்ளிட்ட கோரிக்கைகள் வலியுறுத்தப்பட்டன.

1,124 total views, no views today

வேளாண் பல்கலைக்கழகத்தில் நவம்பர் 6-இல் தேனீ வளர்ப்பு பயிற்சி

0

கோவை தமிழ்நாடு வேளாண்மைப் பல்கலைக்கழக பூச்சியியல் துறை சார்பில் வெள்ளிக்கிழமை (நவம்பர் 6) தேனீ வளர்ப்பு பயிற்சி அளிக்கப்படுகிறது.

இந்தப் பயிற்சியில், தேனீ இனங்களை கண்டுபிடித்தல், பெட்டிகளில் தேனீ வளர்க்கும் முறை, நிர்வாகம், தேனீக்கு உணவு தரும் பயிர்கள், மகரந்தச் சேர்க்கை மூலம் மகசூல் அதிகரிக்கும் பயிர்களின் விவரம், தேனைப் பிரித்தெடுத்தல், தேனீக்களின் இயற்கை எதிரிகள், நோய் நிர்வாகம் உள்ளிட்டவை குறித்து விளக்கம் அளிக்கப்படும்.

பயிற்சியில் கலந்து கொள்ள ஆர்வமுள்ளவர்கள் பயிற்சி நாளான்று காலை 9 மணிக்கு முன்பாக வேளாண்மைப் பல்கலைக்கழக பூச்சியியல் துறை அலுவலகத்துக்கு தங்களது சொந்த செலவில் வந்து சேர வேண்டும்.

பயிற்சியில் கலந்து கொள்வதற்கு ரூ.250 கட்டணம் செலுத்த வேண்டும். பயிற்சி காலை 10 மணி முதல் மாலை 5 மணி வரை நடைபெறும். பயிற்சியின் இறுதியில் சான்றிதழ் வழங்கப்படும். இது குறித்த மேலும் விவரங்களுக்கு வேளாண்மைப் பல்கலைக்கழக பூச்சியியல் துறைத் தலைவரை நேரடியாகவோ, 0422-6611214 என்ற தொலைப்பேசி எண் மூலமாகவே தொடர்பு கொள்ளலாம்.

1,569 total views, 3 views today

மின்சாரம் பாய்ந்து இளைஞர் இறப்பு

0

பொள்ளாச்சி அருகே மின்சாரம் பாய்ந்து இளைஞர் உயிரிழந்தார்.

பொள்ளாச்சியை அடுத்த அரத்தநாரிபாளையம், விநாயகர் கோயில் வீதியைச் சேர்ந்தவர் ஆனந்தகிருஷ்ணன்(27). டீ கடை நடத்தி வருகிறார். அர்த்தநாரிபாளையம் பகுதியில் ஞாயிற்றுக்கிழமை மழை பெய்து கொண்டிருந்தது. அப்போது வீட்டில் இருந்த ஆனந்த கிருஷ்ணன் கழிவறைக்குச் சென்றார். அங்கு சுவிட்சை போட்டபோது மின்சாரம் பாய்ந்ததில் ஆனந்த கிருஷ்ணன் உயிரிழந்தார். இதுகுறித்து ஆழியாறு போலீஸார் வழக்குப் பதிவு செய்து விசாரணை நடத்தி வருகின்றனர்.

1,121 total views, 9 views today

முன்னாள் துணை வேந்தர் Prof E. Bala Guru Samy சிறப்பு பேட்டி

0

1,234 total views, 3 views today

பன்றிக்காய்ச்சல் பாதிப்பு அரசு மருத்துவமனையில் ஒருவர் அட்மிட்

0
கோவை அரசு மருத்துவமனையில் காய்ச்சலுக்காக சிகிச்சை பெற்றவருக்கு பன்றிக்காய்ச்சல் பாதிப்பு இருப்பது உறுதி செய்யப்பட்டுள்ளது.  கோவை ஆர்எஸ்புரம் பகுதியை சேர்ந்தவர் ஜெயகுமார்(55). இவருக்கு கடந்த பத்து நாட்களாக தொடர்ந்து காய்ச்சல் இருந்துள்ளது.அருகில், உள்ள தனியார் மருத்துவமனையில் சிகிச்சை பெற்று வந்துள்ளார். இந்நிலையில், காய்ச்சல் பாதிப்பு குறையாமல் இருக்கவே மேல் சிகிச்சைக்காக கோவை அரசு மருத்துவமனைக்கு சிகிச்சைக்காக கடந்த 12ம்தேதி சேர்க்கப்பட்டார். மருத்துவர்கள் தீவிர சிகிச்சை அளித்து வந்தனர்.இந்நிலையில், இவருக்கு பன்றிக்காய்ச்சல் பாதிப்பு இருக்கிறதா என்பதை குறித்தும் பரிசோதனை செய்தனர். இதில், பன்றிக்காய்ச்சல் இருப்பது நேற்று உறுதி செய்யப்பட்டது. இதனைதொடர்ந்து உடனடியாக பன்றிக்காய்ச்சல் வார்டிக்கு மாற்றப்பட்டார். அங்கு மருத்துவர்கள் சிகிச்சை அளித்து வருகின்றனர். அவரின் உறவினர்கள் அனைவருக்கும் டாமிபுளு தடுப்பு மருந்து அளிக்கப்பட்டுள்ளது. இதனை தொடர்ந்து ஆர்எஸ்புரம் பகுதியில் சுகாதாரத்துறையினர் பன்றிக்காய்ச்சல் தொடர்பாக முகாமிட்டு தடுப்பு பணியில் ஈடுபட்டு வருகின்றனர். 

925 total views, 9 views today

ராஜ்யசபா எம்.பி. வேட்பாளரை உரிய நேரத்தில் அறிவிப்பேன்: ரங்கசாமி பேட்டி

0
கோவை மாவட்டம் ஆனைமலையில் அழுக்குசாமி சித்தர் கோவில் உள்ளது. இந்த கோவிலுக்கு புதுச்சேரி முதல்–மந்திரி ரங்கசாமி அமாவாசை மற்றும் முக்கிய நாட்களில் அடிக்கடி வந்து செல்வார்.
இந்த நிலையில் திடீரென்று நேற்று இரவு 10 மணியளவில் புதுச்சேரி முதல்–மந்திரி ரங்கசாமி காரில் ஆனைமலை அழுக்குசாமி சித்தர் கோவிலுக்கு வந்தார். அவருக்கு கோவில் நிர்வாகிகள் சிறப்பான வரவேற்பு அளித்தனர்.
கோவில் வளாகத்தில் உள்ள அப்பா பைத்தியசாமி கோவிலில் சாமி கும்பிட்டு கோவிலை வலம் வந்தார்.
பின்னர் அழுக்குசாமி சித்தர் கோவில் கருவறையில் அமர்ந்து 1 மணி நேரத்துக்கும் மேலாக தியானம் செய்தார். பின்னர் காரில் புதுச்சேரிக்கு புறப்பட்டார். அப்போது அவர்  கூறியதாவது:–
புதுச்சேரிக்கு மாநில அந்தஸ்து கோரி மத்திய அரசிடம் கேட்டுள்ளோம். அது தொடர்பாக தொடர்ந்து மத்திய அரசிடம் பேச்சு வார்த்தை நடத்தி வருகிறோம். ராஜ்யசபா எம்.பி. வேட்பாளர் அறிவிப்பில் சில பிரச்சனைகள் உள்ளன. உரிய நேரத்தில் வேட்பாளரை அறிவிப்பேன். இன்று அழுக்குசாமி கோவிலுக்கு வந்தது சாதாரண பயணம் தான் என்று கூறினார்.

1,164 total views, 6 views today

Registration

Forgotten Password?

Close