டெல்லியில் ஆட்சி அமைக்க உரிமை கோரினார் அரவிந்த் கெஜ்ரிவால்

0
0

டெல்லியில் ஆட்சி அமைக்க உரிமை கோரினார் அரவிந்த் கெஜ்ரிவால்*

டெல்லியில் ஆட்சி அமைக்க உரிமை கோரி, ஆம் ஆத்மி கட்சித்தலைவர் அரவிந்த் கெஜ்ரிவால், அம்மாநில துணைநிலை ஆளுநர் அனில் பைஜலிடம் முறைப்படி கடிதம் வழங்கி உள்ளார்.

டெல்லி சட்டப்பேரவைத் தேர்தலில் வெற்றிபெற்ற எம்எல்ஏக்களின் பட்டியலை, டெல்லி துணைநிலை ஆளுநர் அனில் பைஜலிடம் முறைப்படி தேர்தல் ஆணையத்தின் சார்பாக டெல்லி தலைமை தேர்தல் அதிகாரி ரன்பீர் சிங் வழங்கினார்.

இதைத்தொடர்ந்து, ஆட்சி அமைக்க உரிமை கோரி, ஆம் ஆத்மி கட்சித்தலைவர் அரவிந்த் கெஜ்ரிவால், அம்மாநில துணை நிலை ஆளுநர் அனில் பைஜலிடம் முறைப்படி கடிதம் வழங்கினார்.

வரும் ஞாயிற்றுக்கிழமை அவர் டெல்லி மாநில முதல் அமைச்சராக மூன்றாவது முறையாக பதவியேற்பார் என எதிர்ப்பார்க்கப்படுகிறது.

இதனிடையே, தேர்தல் படுதோல்வி எதிரொலியாக, காங்கிரஸ் கட்சியின் டெல்லி மாநில தலைவர் சுபாஷ் சோப்ரா மற்றும் மாநில பொறுப்பாளர் சாக்கோ ஆகியோரின் ராஜினாமாவை, அக்கட்சியின் இடைக்கால தலைவர் சோனியா காந்தி ஏற்றுக்கொண்டார்.

இதையடுத்து, டெல்லி மாநில காங்கிரஸ் கட்சியின் தற்காலிக பொறுப்பாளராக சக்தி சின்ஹ் கோஹில் நியமிக்கப்பட்டுள்ளார்.

60 total views, 3 views today